Valentine's Day : सिंगल आहात? मग काय झालं, सेलिब्रेशन करूच शकता! डॉक्टर काय सांगतात वाचा

मनसोपचारतज्ज्ञ प्रीती टम्टा यांनी दिलेल्या माहितीनुसार, व्हॅलेंटाईन्स डे सेलिब्रेट करण्यासाठी तुम्हाला गर्लफ्रेंड, बॉयफ्रेंड असायलाच हवा असं काही नाहीये. तुम्ही प्रेम वर्षाचे बारा महिने सेलिब्रेट करू शकता. आजच्या दिवशी आई-वडिलांसोबत, भाऊ-बहिणीसोबत वेळ घालवा. तुम्ही त्यांना व्हॅलेंटाईन्स गिफ्ट देऊ शकता. तसंच, मित्र-मैत्रिणींना किंवा लहान मुलांनासुद्धा तुम्ही गिफ्ट देऊ शकता. त्याचबरोबर आपण एखाद्या आश्रमात जाऊन व्हॅलेंटाईन्स डे सेलिब्रेट केलात तर उत्तमच. त्यामुळे ज्यांचं या जगात कोणीच नाही, त्यांना प्रेम दिल्याचं मोठं समाधान आपल्याला मिळेल.

डॉक्टरांनी सांगितलं की, आजकालच्या धकाधकीच्या, धावपळीच्या जीवनात आपण स्वतःसाठी वेळ काढायलाच विसरतो, आपलं स्वतःसाठी जगणं राहूनच जातं. मग दररोज नाही तर निदान आज प्रेमाच्या दिवशी तरी स्वतःसाठी वेळ काढावा. स्वतःविषयी शक्य तितका सकारात्मक विचार करावा. स्वतःबाबत जेवढे नकारात्मक विचार असतील ते एका कागदावर लिहून काढा आणि त्यांमध्ये सुधारणा करण्याचा प्रयत्न करा. जेणेकरून हळूहळू आपसूकपणे तुम्ही स्वतःच्या प्रेमात पडाल.