Best Time to Drink Tea: चहाचे शौकीन आहात? मग चहा पिण्याची ‘ही’ योग्य वेळ माहिती आहे का ?

अनेकांना सकाळी चहा मिळाला नाही तर त्यांना फ्रेश वाटत नाही. त्यांच्या चेहऱ्यावर थकवा आणि सुस्ती दिसत राहते. चहामध्ये कॅफिन असतं, ज्यामुळे चहा प्यायल्याने शरीराला त्वरित ऊर्जा मिळते आणि कॅफीनमुळे सुस्ती किंवा झोप दूर व्हायला मदत होते. अनेकांना नाश्त्यासोबत चहा पिणं आवडतं, तर काही लोक नाश्त्यापूर्वी रिकाम्या पोटी चहा पितात.

नोएडातल्या डाएट मंत्रा क्लिनिकच्या संस्थापक आणि वरिष्ठ आहारतज्ज्ञ कामिनी सिन्हा यांनी सांगतात की, चहा पिण्यासाठी ठराविक अशी वेळ नाहीये. मात्र सकाळी उठल्यावर चहा प्यायल्याने शरीराला फायदे होऊ शकतात. रात्रभराच्या झोपेनंतर सकाळी उठल्यावर शरीराला ऊर्जेची कमतरता जाणवत असते. त्यामुळे चहा प्यायल्याने त्यांना त्वरित ऊर्जा मिळते. मात्र रिकाम्या पोटी चहा पिणं हे धोक्याचं ठरू शकतं. रिकाम्या पोटी चहा घेतल्याने ॲसिडिटी, गॅसेस किंवा पोटाच्या इतर समस्यांचा त्रास होऊ शकतो. ज्यांना आधीपासूनच असे त्रास आहेत, अशा व्यक्तींनी नाश्ता केल्यानंतर काही वेळाने चहा प्यावा. नाश्त्याच्या आधी किंवा नंतर लगेच चहा पिणं टाळावं. यामुळे शरीरातील पोषक तत्वांचं शोषण कमी होऊ शकतं. याशिवाय ज्यांना ॲसिडिटीचा त्रास आहे अशांनी चहा पिण्यापूर्वी पाणी प्यावं आणि जास्त उकवलेला चहा पिणं टाळावं.