Protein for Vegetarians: शाकाहारी आहात? बिनधास्त खा ‘हे’ पदार्थ; कधीच भासणार नाही प्रोटिन्सची कमतरता

मुंबई : आपलं शरीर स्वस्थ आणि निरोगी ठेवण्यासाठी आपल्या विविध जीवनसत्वं आणि पोषकतत्वांची आवश्यकता असतं. प्रथिनं किंवा प्रोटिन्स ही सुद्धा आपल्या शरीरासाठी प्रचंड महत्त्वाची आहेत. प्रथिनांमुळे शरीराला उर्जा मिळते. ऑक्सिजनला आपण प्राणवायू म्हणतो. हाच प्राणवायू रक्तामार्फत संपूर्ण शरीरात पोहोचवण्याचं महत्त्वांचं काम प्रथिनं करतात. याशिवाय, रोगप्रतिकारक शक्ती वाढवून विविध रोगांविरोधात लढण्या ॲन्टीबॉडीज तयार करण्याचं काम प्रथिनं करतात. आपलं विविध आजारांपासून रक्षण होतं. आपल्या शरीरातील विविध पेशी निरोगी ठेवण्यास आणि नवीन पेशी तयार करण्यातही प्रथिनं महत्त्वांची भूमिका बजातात.स्नायू, केस, त्वचा आणि नखं यांच्या वाढीसाठी प्रथिनांची मदत होते. ज्या व्यक्ती शरीरसौष्ठवांची आवड आहे ते प्रोटिन्स पावडरच्या मदतीने शरीर कमवतात. याचाच अर्थ स्नांयूंच्या ताकदीसाठीसुद्धा प्रथिनं महत्त्वाची आहेत. त्यामुळे प्रत्येक व्यक्तीने असा आहार घ्यायला हवा की, त्यांच्या शरीराला आवश्यक त्या प्रथिनांची पूर्तता होईल. मासांहारी व्यक्तींना अनेक पदार्थातून प्रथिनं मिळू शकतात. मात्र शाकाहारी व्यक्तींना प्रोटिन्स कुठून मिळवायची असा प्रश्न पडतो. तुम्ही सुद्धा शाकाहारी असाल तर तुम्हाला काळजी करण्याची गरज नाही.