Healthy Foods for Eyes: डोळ्यांची काळजी घ्यायची आहे? मग खा ‘हे’ पदार्थ, लावावा लागणार नाही चष्मा

मुंबई: डोळे ही देवाने माणसाला दिलेली सर्वांगसुंदर देणगी आहे. जर माणसाला डोळे नसतील तर त्यांचं आयुष्य खऱ्या अर्थाने अंधारात जातं. त्यामुळे डोळ्यांची काळजी घेणं हे प्रत्येकासाठी महत्त्वाचं आहे. काही वर्षापूर्वी वयोवृद्ध व्यक्तींना चष्मा लागायचा. नंतर मध्यवर्गीय व्यक्तींना चष्मा लागू लागला.त्यामुळे एखाद्या व्यक्तीला चष्मा लागला की, त्या व्यक्तीला चाळीशी लागली असं म्हटलं जायचं. मात्र आता टिव्ही, कंम्प्युटरच्या अतिवापारामुळे विद्यार्थी आणि लहान मुलांना देखील चष्मा वापरावा लागतोय. वाढतं प्रदूषण आणि स्क्रिन टाईममुळे डोळ्यांच्या आजारात आणि दृष्टीदोषात वाढ होऊ लागली आहे. त्यामुळे सर्वांगसुंदर अशा अवयवाची काळजी घेणं महत्त्वाचं ठरतं. ज्या व्यक्तींना चष्मा लागला त्या व्यक्तींना गाजर, बीट मुळा खाण्याच्या सल्ला नेत्रतज्ज्ञ द्यायचे मात्र आता डोळ्यांची काळजी  ही प्रत्येकाला घ्यावी लागणार आहे. त्यामुळे तुम्हाला दृष्टीदोष दूर करून डोळ्यांचं आरोग्य अबाधित ठेवायचं असेल तर तुम्हाला तुमच्या आहारात व्हिटॅमिन ए, ल्युटीन आणि झेक्सॅन्थिनयुक्त पदार्थांचा समावेश करावा लागेल.