Vaishno Devi Tour Package : फक्त 9 हजारांत करा वैष्णो देवी दर्शन; IRCTC कडून सर्वात स्वस्त टूर पॅकेज लॉन्च

हे पॅकेज लखनऊ, शाहजहांपूर, सुलतानपूर, वाराणसी, जौनपूर जंक्शन आणि मुरादाबाद येथून सुरू होणार आहे. पॅकेजचा कालावधी 4 रात्री आणि 5 दिवसांचा असून याचा कोड NLR022 आहे. 26 फेब्रुवारीपासून या पॅकेजची सुरुवात होणार असून त्यानंतर दर गुरुवारी प्रवासाची सुविधा उपलब्ध असेल. या पॅकेजमध्ये रेल्वे तिकीट तसेच स्थानिक पर्यटनासाठी वाहनाची सोय समाविष्ट आहे. पॅकेजचे नाव MATA VAISHNO DEVI EX VARANASI असे असून अधिकृत संकेतस्थळावर हे नाव शोधून सविस्तर माहिती मिळवता येईल.

तुम्ही एकट्याने प्रवास केल्यास प्रतिव्यक्ती पॅकेज 16,460 रुपये खर्च येईल. दोन जणांनी एकत्र प्रवास केल्यास प्रति व्यक्ती 9,905 रुपये इतकी पॅकेजची किंमत आहे. तसेच तीन जणांनी एकत्र प्रास केल्यास प्रति व्यक्ती 8,635 रुपये खर्च येईल. याशिवाय तुमच्यासोबत मुलं देखील प्रवास करणार असतील तरत मुलांसाठी पॅकेजचे शुल्क 6,840 रुपये ठेवण्यात आले आहे.दोन प्रकारच्या भोजन पर्यायांनुसार शुल्क बदलते. नाश्ता समाविष्ट असलेल्या पॅकेजसाठी 15,460 आणि नाश्ता व रात्रीचे जेवण समाविष्ट असल्यास 16,460 शुल्क आकारले जाईल.

या पॅकेजमध्ये जम्मू रेल्वे स्थानकापासून कटरा येथील हॉटेलपर्यंत शेअरिंग वाहन सुविधा, कटरा येथे 2 रात्रींची शेअरिंग आधारावरील निवास व्यवस्था, पॅकेजनुसार फक्त नाश्ता किंवा नास्ता आणि रात्रीचे जेवण समाविष्ट असेल. तसेच ठरवलेल्या मेन्यूप्रमाणेच भोजन दिले जाईल, मेन्यूत बदल केल्यास अतिरिक्त शुल्क आकारले जाईल.

पॅकेजचे बुकिंग भारतीय रेल्वेच्या अधिकृत संकेतस्थळावरून करता येईल. या पॅकेजसाठी नोंदणी करणे अतिशय सोपे आहे. इच्छुक भाविक भारतीय रेल्वेच्या (IRCTC) अधिकृत वेबसाईटवर जाऊन 'MATA VAISHNO DEVI EX VARANASI' किंवा 'NLR022' हा कोड सर्च करून संपूर्ण माहिती वाचू शकतात आणि आपले तिकीट बुक करू शकतात. पॅकेजमध्ये ठरवून दिलेल्या सुविधांव्यतिरिक्त इतर कोणत्याही गोष्टीचा लाभ घेतल्यास त्याचे पैसे स्वतः द्यावे लागतील, याची प्रवाशांनी नोंद घ्यावी.