Private Part Hair : प्रायव्हेट पार्टवरील केस काढावे की नाही? डॉक्टरांनीच सांगितलं काय योग्य आहे

उत्तर प्रदेशातील कानपूर येथील जीएसव्हीएम मेडिकल कॉलेजमधील त्वचारोगतज्ज्ञ डॉ. युगल राजपूत यांनी न्यूज18 ला सांगितलं की, अनेक लोकांचा असा विश्वास आहे की गुप्तांगाचे केस शरीराच्या संरक्षणात्मक थराचं काम करतात आणि त्यामुळे ते काढत नाहीत. पण ही चूक करू नये. उन्हाळ्यात आणि पावसाळ्यात लोकांना खूप घाम येतो आणि तो या केसांमध्ये जमा होऊ शकतो. यामुळे बॅक्टेरिया किंवा बुरशीजन्य संसर्ग होऊ शकतो. म्हणून, या भागातील केस वेळोवेळी काळजीपूर्वक काढून टाकावेत. पण जर एखाद्याला त्वचेशी संबंधित समस्या असेल तर केस काढण्यापूर्वी डॉक्टरांचा सल्ला घ्यावा.

डॉक्टरांनी सांगितलं जर हे केस फार लांब नसतील तर ते काढले नाही तरी चालेल. पण हा भाग नियमितपणे स्वच्छ केला पाहिजे. जर तुम्ही स्वच्छतेची काळजी घेतली तर कोणतीही समस्या येणार नाही.