Trending:

Health Benefits of Turmeric: ‘इतक्या’ आजारांवर गुणकारी आहे हळद, नियमित सेवन केल्याने घ्यावी लागणार नाहीत औषधं

Published by:Tushar Shete

Last Updated:December 11, 2024 1:49 PM IST

Health Benefits of Turmeric: हळद ही फक्त चवीपुरताच मर्यादीत नाहीये. हळदीत अससेल्या औषधी गुणधर्मांमुळे हळद एक उत्तम औषध म्हणून काम करते. हळदीत अँटीऑक्सिडंट, अँटीइंफ्लमेटरी, अँटीट्यूमर, अँटीसेप्टिक,अँटीव्हायरल गुणधर्म आहेत.

इम्पॅक्ट शॉटतुमचा गेटवे लेटेस्ट न्यूज

प्रतिकात्मक फोटो : गुणकारी हळदीचे आहेत ‘इतके’ फायदे, दूर पळतील गंभीर आजार

मुंबई : आपल्या स्वयंपाकघरात आढळणारा पिवळा मसाला म्हणजेच हळद. वरणांपासून ते विविध प्रकारच्या पुलाव किंवा बिर्यानीची चव वाढवण्याचं काम हळद करते. मात्र हळद ही फक्त चवीपुरताच मर्यादीत नाहीये. हळदीत अससेल्या औषधी गुणधर्मांमुळे हळद एक उत्तम औषध म्हणून काम करते. हळदीत अँटीऑक्सिडंट, अँटीइंफ्लमेटरी, अँटीट्यूमर, अँटीसेप्टिक, अँटीव्हायरल गुणधर्म आहेत. याशिवाय हळद ही उत्तम कार्डिओप्रोटेक्टिव्ह, हेपॅटोप्रोटेक्टिव्ह आणि नेफ्रोप्रोटेक्टिव्ह आहे.

जाणून घेऊयात हळदीचे अनेक फायदे

औषधी गुणधर्म

'अनेक आजारांवर उपयुक्त औषध' असं हळदीचं वर्णन आयुर्वेदात आढळतं. दाहक-विरोधी गुणधर्म असलेली हळद उत्तम जंतुनाशक म्हणून काम करते. जखमा, वेदना आणि जळजळ यावर हळद लावणं फायदेशीर ठरतं. किरकोळ आजारापासून ते हृदयरोग आणि कॅन्सर सारख्या गंभीर आजारांसाठी हळद गुणकारी आहे.

अनेक पोषकतत्त्वे

डॉ. आशिष गुप्ता जे एक आर्युवेदाचार्य आहेत, ते म्हणतात की, ‘हळदीमध्ये महत्त्वाची पोषक तत्त्वे आणि खनिजे असतात. एक चमचा हळदीमध्ये सुमारे 29 कॅलरीज असतात. हळद ही फायबर, प्रथिने आणि कर्बोदकांनी समृद्ध आहे. याशिवाय हळदीमध्ये मॅंगनीज, लोह आणि पोटॅशियम आढळून येतात जे शरीरासाठी फायदेशीर ठरतात.’

हृदयविकाराच्या रुग्णांसाठी फायदेशीर

डॉ. आशिष म्हणतात ‘हळदीच्या नियमित सेवनाने अनेक गंभीर आजार टाळता येतात. दररोज हळदीच्या सेवनामुळे हृदयरोगाचा धोका कमी होतो. मात्र, हळदीचं अतिसेवन हानिकारक ठरू शकते. हळदीच्या अतिवापरामुळे बद्धकोष्ठता, अतिसार, ओटीपोटात दुखणे, रक्तातील साखरेचं प्रमाण कमी होणं यासारख्या समस्या देखील उद्भवू शकतात. हळद हा केवळ मसाला नाही तर एक आरोग्यदायी औषध आहे.'

हे सुद्धा वाचा : Turmeric Side Effects: अति तिथे माती, जास्त प्रमाणात हळदीचं पाणी प्यायल्यास होतील हे आजार

हळदीच्या अँटिऑक्सिडंट गुणधर्मांमुळे हळद अनेक जुन्या आणि दुर्धर आजारांवर फायदेशीर ठरू शकते.

view comments

Location :

Mumbai,Maharashtra

First Published :

December 11, 2024 1:01 PM IST

Health Benefits of Turmeric: ‘इतक्या’ आजारांवर गुणकारी आहे हळद, नियमित सेवन केल्याने घ्यावी लागणार नाहीत औषधं