Trip Plans : 'या' ट्रेनमध्ये बसून तुम्ही फिरू शकता 3 देश, जाणून घ्या कशी आहे प्रवासाची खासियत

जगातला सगळ्यात लांब रेल्वे प्रवास पूर्ण करायचा तर सात दिवस लागतात. रशियातल्या मॉस्को या शहरापासून ब्लादिवोस्तोक या शहरापर्यंत ही रेल्वे जाते. एवढ्या लांब पल्ल्याचा प्रवास करणारी जगातली ही पहिली रेल्वे आहे. हा पल्ला कापताना ती तीन देशांतील आणि थोड्याथोडक्या नव्हे तर सब्बल 86 शहरांमधून जाते. ‘ट्रान्स सायबेरियन ट्रेन’ म्हणून ही रेल्वे जगभरात ओळखली जाते. ती 10,214 किलोमीटरचं अंतर कापते. हे अंतर कापण्यासाठी ती 7 दिवस 20 तास 25 मिनिटांचा वेळ घेते. या प्रवासात ती 16 नद्यांची पात्रंही ओलांडते. हा रेल्वे प्रवास प्रवाशांना अनेक प्रकारच्या भूभागांतून घेऊन जातो. त्यामुळेच या प्रवासात कित्येक वेळा श्वास रोखून धरावे असे प्रसंगही प्रवाशांच्या वाट्याला येतात. दुसरीकडे डोळ्यांचं पारण फेडणारं निसर्गसौंदर्यही प्रवाशांना अनुभवायला मिळतं.