Interesting Facts : पुरुषांचा दुष्काळ! महिला तासांवर ऑर्डर करतात पती; कुठे सुरू आहे हा अजब ट्रेंड?

मुंबई : लग्नासाठी मुलगी मिळत नसल्याने आपल्याकडे अनेक तरुणांचे विवाह होत नाहीये, या विषयावरून सोशल मीडियावर रिल्स आणि मिम्स बनत आहेत. परंतु जगामध्ये एक देश असाही आहे जिथे महिलांना घरगुती कामासाठी आणि देखभालीची छोटी-मोठी कामे करण्यासाठी चक्क 'भाड्याने पती' बोलावावे लागतात. युरोपातील लातविया (Latvia) या देशात सध्या ही आश्चर्यकारक पद्धत चर्चेचा विषय ठरली आहे. येथील पुरुषांची संख्या अत्यंत वेगाने कमी होत असल्यामुळे घर आणि गृहस्थीशी संबंधित अनेक कामे पूर्ण करण्यासाठी महिलांना तात्पुरत्या स्वरूपात पुरुष मदतनीसांची सेवा घ्यावी लागत आहे. लातवियामध्ये नेमका हा 'जेंडर इम्बॅलन्स' का निर्माण झाला आणि त्याचा तेथील सामाजिक जीवनावर काय परिणाम होत आहे, याबद्दल जाणून घेऊया.