50 रुपयांपासून सजावटीच्या वस्तू; बाप्पाच्या आगमनासाठी येथे करा आकर्षक दागिन्यांची खरेदी

मुंबईतील प्रसिद्ध असलेल्या चिंचपोकळी परिसरातील लालबाग मार्केट मधील भवानी आर्ट्स या दुकानात बाप्पाची आकर्षक आभूषण पाहायला मिळत आहेत. याठिकाणी कंठी, शेला, दागिने, हात, पाय, फुल, शस्त्र, वस्त्र, मुकुट, सोंडपट्टी, भिकबाळी, कमरपट्टा, छत्र, तोडे, कंगन, कुंडल, दुर्वाचा हार, जास्वंदी फुल, मोत्यांचा हार हे दागिने उपलब्ध आहेत.

50 रुपयांपासून ते 2000 पर्यंत हे दागिने मिळतात. गणपतीच्या गळ्यातले हार, कंठी अगदी 250 ते 800 पर्यंत इमिटेशन ज्वेलरीमध्ये उपलब्ध आहेत. त्याचप्रमाणे ग्राहकांची मागणी असेल त्या किंमतीचे आणि डिझाईनचे दागिने ग्राहकांना तयार करून मिळत आहेत.

सध्या इमिटेशन ज्वेलरीची क्रेझ वाढलेली दिसत आहे. कंठी, शेला, दागिने, हात, पाय, फुल, शस्त्र, वस्त्र, मुकुट, सोंडपट्टी, भिकबाळी, कमरपट्टा, छत्र, तोडे, कंगन, कुंडल, दुर्वाचा हार, जास्वंदी फुल, कमळ फूलं, मोत्यांचा हार, याकडे भक्तांची ओढ पाहायला मिळत आहे. सर्वात जास्त मागणी बाप्पाचे हात आणि चरण याची आहे. त्यामुळे एक आणि दोन फुटांच्या मूर्तीचे हात आणि चरण हे रेडिमेट मिळतात. हात आणि चरणांची किंमत ही साडेतीनशे रुपयांपासून सुरुवात होऊन ज्या प्रकारे तुम्ही घडवाल तशी त्याची किंमत आकारली जाते.

तसेच वेगवेगळ्या प्रकारचे मुकुट देखील उपलब्ध आहेत. लालबाग राजा मुकुट, दगडूशेठ मुकुट, डोम मुकुट, असे विविध प्रकारचे मुकुट उपलब्ध आहेत. 300 रुपयांपासून ते 1200 रुपयांच्या वर मुकुटांची किंमत आहे, अशी माहिती भवानी आर्ट्स मालक विकास चौधरी यांनी दिली.