नॉर्मल डिलिव्हरी हवी आहे? 38 व्या आठवड्यानंतर 'हे' 2 व्यायाम ठरू शकतात गेम चेंजर; तज्ज्ञांचा मोलाचा सल्ला

मुंबई : प्रत्येक स्त्रीच्या आयुष्यात 'आई' होण्याचा प्रवास हा अत्यंत सुखद पण तितकाच आव्हानात्मक असतो. नऊ महिने नऊ दिवस पोटात एका जिवाला वाढवताना मनात अनेक विचार सुरू असतात. त्यातलाच एक सर्वात महत्त्वाचा विचार म्हणजे "डिलिव्हरी नॉर्मल होईल ना?" आजकालच्या जीवनशैलीत सिझेरियन (C-Section) होण्याचे प्रमाण वाढले असले, तरी आजही बहुतांश महिला 'नॉर्मल डिलिव्हरी'लाच प्राधान्य देतात. याचं मुख्य कारण म्हणजे नॉर्मल डिलिव्हरीनंतर शरीर लवकर रिकव्हर होतं आणि आई पूर्वीसारखी सक्रिय होऊ शकते. पण नॉर्मल डिलिव्हरी ही केवळ नशिबाची गोष्ट नसून, ती तुमच्या शरीराच्या तयारीवर आणि योग्य व्यायामावर अवलंबून असते.