Diabetes : वाढलेली ब्लड शुगर झटपट कमी करेल 'हा' एक सुपरफूड, डायबिटीजच्या रुग्णांनी डायटमध्ये 'असा' करावा समावेश

Superfood For High Blood Sugar : आजकाल बरेच लोक अनेक गंभीर आजारांच्या समस्येने ग्रस्त आहेत. अशातच डायबिटीजच्या रुग्णाच्या संख्येत लक्षणीय वाढ झाल्याचेही दिसून येत आहे. पण यासाठी अनेक कारणं देखील जबाबदार आहेत. आजकालच्या बदलत्या जीवनशैलीत आपण अनेक गोष्टी अशा करतो ज्याचा आपल्या आरोग्यावर परिणाम होतो. मधुमेहात रक्तातील साखरेची पातळी खूप जास्त होते. हे घडते कारण शरीर एकतर पुरेसे इन्सुलिन तयार करत नाही किंवा इन्सुलिनचा योग्य वापर करू शकत नाही. इन्सुलिन हा एक संप्रेरक आहे जो अन्नातून मिळणारे ग्लुकोज ऊर्जेच्या रूपात पेशींमध्ये पोहोचवतो. म्हणून, अशा परिस्थितीत, आहाराची खूप काळजी घ्यावी लागते. मधुमेह नियंत्रित करण्यासाठी तुमच्या आहारात कोणते धान्य समाविष्ट केले जाऊ शकते ते जाणून घेऊया.