GST 2.0: कार, बाईक्स, चिप्सपासून कपड्यांपर्यंत… आजपासून या गोष्टी मिळणार स्वस्त! इथे चेक करा संपूर्ण लिस्ट

जीएसटीमध्ये रेस्टॉरंटमधील जेवण महाग झालं, विशेषतः एसी आणि प्रीमियम हॉटेल्समधील जेवण महाग झालं आहे. तर सलून, स्पा प्रीमियम फोन, स्मार्टफोन्य आयातीच्या किंमतीही वाढणार आहे. तसंच 1200 सीसीवरील वाहनंही महाग झाली आहेत. जीएसटी कपातीनंतर टीव्ही कंपन्या 2500 ते 85000 रुपयांपर्यंत किंमत कपात करत आहेत. 32 इंचांपेक्षा मोठ्या स्क्रीन असलेल्या टीव्हींवरील करदर 28% वरून 18 टक्क्यांवर आला आहे.

केंद्र सरकारने जीएसटी दरांमध्ये मोठा बदल करत अनेक वस्तू आणि सेवांवरील कर कमी करण्याचा निर्णय घेतला आहे. या बदलामुळे दैनंदिन जीवनातील अनेक गोष्टी स्वस्त होणार आहेत, ज्यामुळे सर्वसामान्यांना मोठा दिलासा मिळणार आहे.

लोणी-तूप: 12% वरून 5%

साखर, उकडलेल्या मिठाई: 12%-18% वरून 5%

चॉकलेट, कोको पावडर: 18% वरून 5%

पास्ता, नूडल्स, बिस्किटे: 12%-18% वरून 5%

जॅम, जेली, मुरंबा, फळांचा रस: 12% वरून 5%

मांस, मासे, फूड प्रॉडक्ट्स: 12% वरून 5%

टॉयलेट सोप, टूथब्रश: 18% वरून 5%

पाणी आणि दुधाचे डबे (धातू): 12% वरून 5%

एसी, डिशवॉशर, टीव्ही: 28% वरून 18%

मेणबत्त्या, छत्र्या: 12% वरून 5%

बांबू आणि वेतापासून बनवलेले फर्निचर: 12% वरून 5%

ट्रॅक्टर, कृषी यंत्रसामग्री: 12% वरून 5%

बायो-कीटकनाशके: 12% वरून 5%

थर्मामीटर, डायग्नोस्टिक किट: 12%-18% वरून 5%

ग्लुकोमीटर, मेडिकल ऑक्सिजन: 12% वरून 5%

चष्मा, औषधे आणि सर्जिकल हातमोजे: 12% वरून 5% किंवा शून्य

सायकल: 12% वरून 5%

सिंथेटिक धागे, न शिवलेले कापड: 12%-18% वरून 5%

2,500 रुपयांपेक्षा कमी किमतीचे कपडे: 12% वरून 5%

2,500 रुपयांपेक्षा जास्त किमतीचे कपडे: 12% वरून 18%

देशातील लाखो लोकांना टँक्सच्या जाळ्यामुळे मोठा त्रास झाला, गरिबांवर याचा मोठा परिणाम झाला. दरम्यान देशाला यातून बाहेर काढणं गरजेचं होतं असंही मोदींनी म्हटलं आहे. आधी 18 टक्के कर लागणाऱ्या वस्तूंवर आता 5 टक्के कर लागणार आहे. जीएसटी कमी झाल्यानं अनेक जीवनावश्यक वस्तू स्वस्त होणार असल्याचं मोदींनी सांगितलंय. यामुळे घर, टीव्ही, फ्रीज, कार आणि दुचाकीसह हॉटेलमध्ये राहण्याचा खर्च कमी होणार असल्याचंही पंतप्रधान मोदी म्हणालेत.