गुढीपाडव्याला बनवा रोझ इसेन्स पुरणपोळी, पाहा अगदी सोपी रेसिपी, Video

पुरणपोळी करायची म्हटलं की चना डाळ, साखर किंवा गूळ, मीठ, वेलचीपूड, तूप, मैदा, गव्हाचे पीठ हे साहित्य लागते. रोझ इसेन्स पुरणपोळीसाठीही घरातीलच साहित्य लागते. त्यात फक्त गुलाब इसेन्स आणि गुलाबाच्या पाकळ्या अधिकच्या घ्यावा लागतात.

रोझ इसेन्स पुरणपोळी बनवण्यासाठी पहिल्यांदा चनाडाळ स्वच्छ धुवून घ्यावी. कुकरला 3 शिट्या करून मऊ शिजवून घ्यावे. त्यानंतर त्यातील पाणी चाळणीच्या साहाय्याने गाळून घेणे. मग ते पुरण यंत्र किंवा मैदा चाळायच्या चाळणीने छान गाळून घ्यावे. पातेल्यातील मिश्रणात साखर किंवा गूळ घालावा. हे चांगले एकजीव होईपर्यंत शिजवावे. मग त्यामध्ये चवी नुसार वेलची पूड आणि गुलाब इसेन्स टाकावे. त्यानंतर त्यात ताज्या गुलाबाच्या पाकळ्या टाकाव्यात.