मुलांना चॉकलेट देण्याची भीती वाटते? मग घरीच बनवा खजूर लॉलीपॉप, पाहा रेसिपी

अगदी चॉकलेटसारखं खजूर लॉलीपॉप आपण घरातच बनवू शकता. त्यासाठी साहित्यही सहज उपलब्ध होणारं आहे. अंदाजे 100 ग्राम सिडलेस खजूर, 8-10 पारले बिस्कीट, 35-40 ग्राम काजू, 30 ग्राम मिल्क पावडर, खोबरा किस छोटे 2 चमचे, थोडी मलई अणि दूध या साहित्यात आपण पौष्टिक खजूर लॉलीपॉप बनवू शकतो.

सर्वप्रथम मिक्सरमधून सीडलेस खजूर बारीक करून घ्या. त्यानंतर त्यात बिस्किट अ‍ॅड करून तेही बारीक करून घ्या. तुम्ही सुरुवातीलाही बिस्किट बारीक करून घेऊ शकता. त्यात थोडी मलई आणि दूध अ‍ॅड करा. आता एका कढईत 1 चमचा तूप घेऊन त्यात बारीक केलेलं मिश्रण अ‍ॅड करा. ते गरम होईपर्यंत काजू, खोबराकीस आणि मिल्क पावडर मिक्सर मधून बारीक करून घ्या. हे मिश्रण देखील कढईत अ‍ॅड करा आणि चांगलं एकजीव होतपर्यंत चमचा फिरवत राहा.