2 वाटी मैदा, 1 वाटीभर ओले तुरीचे दाणे; घरगुती पद्धतीनं अशी तयार करा कचोरी

सर्वप्रथम कचोरीमध्ये भरण्यासाठी मसाला तयार करायचा आहे. त्यासाठी सोप आणि धने मिक्सरमधून जाडसर भरड करून घ्यायची. आणि कढईत अगदी थोडसं तेल घालून तुरीचे दाणे, मिरची आणि लसूण पाकळ्या 5 मिनिटे परतून घ्यायचे आहेत. त्यानंतर थोडसं थंड झाल्यानंतर हे मिश्रण मिक्सरमधून जाडसर काढून घ्यायचा आहे. आता कढईमध्ये जिरं-मोहरी, सोप-धान्याची भरड, हळद, मीठ, जिरेपूड, अ‍ॅड करून एकत्र करून घ्या.

आता छोटा गोळा लाटून घेऊन त्यात कचोरीचा मसाल्याचा गोळा ठेवून चांगलं बंद करून हलक्या हाताने लाटून घेऊया किंवा हाताने दाबून घेऊ शकता. आता कढईत तेल गरम करून कोमट तेलातच आपल्याला कचोरी टाकून कमी आचेवर तळून घ्यायचे आहेत. कचोरी लालसर रंग येईपर्यंत तळून घ्यायच्या आहेत. आता तुरीच्या दाण्यांचा चविष्ट कचोरी खाण्यासाठी तयार आहे, असं अंकिता काकडे यांनी सांगितलं.

तुरीच्या दाण्यांचा उपयोग वेगवेगळे पदार्थ बनवण्यासाठी केला जातो त्यातीलच एक पदार्थ म्हणजे तुरीच्या दाण्यांची कचोरी तुम्ही देखील अगदी सोप्या पद्धतीने घरच्या घरी आणि अगदी कमी वेळामध्ये कमी साहित्यामध्ये ही रेसिपी करून बघू शकता. आणि दही कांदा कोथिंबीर आणि बारीक शेव या साहित्याने सजावट करून तुरीच्या दाण्याची कचोरी सर्व्ह करू शकता.