Shravan Upvas Recipe: उपवासाला काहीतरी वेगळं हवंय? बनवा रताळ्याच्या कापांची रेसिपी, खायला चविष्ट, Video

मुंबई: सणासुदीचा काळ सुरू झाला की उपवासदेखील आलाच. त्याचबरोबर रोज नवनवीन पदार्थांची शोधाशोध सुरू होते. परंतु बहुतांश वेळा उपवासाचं खाणं ठरलेलं असतं. शाबूदाण्याची खिचडी, शाबूदाणे वडे, थालीपीठ किंवा दही-फळं. काही दिवसांनी याच चवींचा कंटाळा येतो आणि मग वाटतं आज काहीतरी वेगळं खावं. अशा वेळी अगदी कमी वेळात, कमी साहित्य वापरून, झटपट तयार होणारी पण चविष्ट आणि पौष्टिक अशी रेसिपी हवी असेल, तर रताळ्याचे काप हे एकदम परफेक्ट पर्याय ठरू शकतात.