Sabudana Thalipeeth : नवरात्री उपवासात खिचडीचा कंटाळा आलाय? बनवा चविष्ट साबुदाणा थालीपीठ, रेसिपीचा Video
- Reported by:Pooja Satyavan Patil
- Published by:Mohan Najan
Last Updated:
दररोज साबुदाणा खिचडी खायलाचा अनेकाना कंटाळा येतो. यावर पर्याय म्हणून तुम्ही खिचडीऐवजी चविष्ट साबुदाणा थालीपीठ बनवू शकता.
पुणे: नवरात्रीचा उत्सव सुरू झाला आहे. या दिवसांत अनेकजण उपवास करतात. पण दररोज साबुदाणा खिचडी खायलाच अनेकांना कंटाळा येतो. यावर पर्याय म्हणून तुम्ही खिचडीऐवजी चविष्ट साबुदाणा थालीपीठ बनवू शकता. आज आपण साबुदाणा थालीपीठ कसं बनवायचं याविषयी जाणून घेणार आहोत.
साबुदाणा थालीपीठ बनवण्याचं साहित्य
साबुदाणा थालीपीठ तुम्ही अगदी कमी वेळात आणि घरगुती साहित्यात बनवू शकता. एक वाटी भिजवलेला साबुदाणा, दोन उकडलेले बटाटे, दोन ते तीन हिरव्या मिरच्या, भाजलेले शेंगदाणे, जिरे, थोडीशी कोथिंबीर, तेल आणि चवीनुसार मीठ. एवढ्याशा साहित्यात तुम्ही उपवासासाठी चविष्ट आणि लुसलुशीत साबुदाणा थालीपीठ बनवू शकता.
advertisement
साबुदाणा थालीपीठ बनवण्याची कृती
सुरुवातीला अर्धी वाटी साबुदाणा धुऊन 20 मिनिटांसाठी भिजवा. नंतर त्यातील पाणी काढून टाका आणि तो 5-6 तास झाकून ठेवा. दरम्यान दोन बटाटे उकडून घ्या आणि सालं काढा. बटाटे किसून घ्या. त्यात भाजलेले शेंगदाणे अर्धवट बारीक करून मिसळा. हिरव्या मिरच्या आणि भिजवलेला साबुदाणा मिक्सरमध्ये थोडासा बारीक करून बटाट्यात घाला. त्यात जिरे, मीठ आणि कोथिंबीर घालून सगळं नीट मिसळा. पाण्याचा वापर टाळा.
advertisement
आता गोळा तयार झाला की थालीपीठ थापायला सुरुवात करा. ओल्या कापडावर गोळ्याचे थालीपीठ थापा. खूप जाड किंवा खूप पातळ न ठेवता मध्यम जाडीचे ठेवा. गरम तव्यावर तेल पसरवून थालीपीठ सावकाश टाका. झाकण ठेवून दोन मिनिटे भाजा. नंतर बाजूने तेल सोडून पलटी करा आणि दुसऱ्या बाजूनेही सोनेरी होईपर्यंत भाजा. फायनली लुसलुशीत साबुदाणा थालीपीठ तयार आहे. हे दही, शेंगदाण्याची किंवा खोबऱ्याची चटणीसोबत खूपच स्वादिष्ट लागते. उपवासाच्या दिवसात हा खिचडीला एक उत्तम पर्याय आहे.
Location :
Pune,Maharashtra
First Published :
Sep 25, 2025 3:41 PM IST
मराठी बातम्या/रेसिपी/
Sabudana Thalipeeth : नवरात्री उपवासात खिचडीचा कंटाळा आलाय? बनवा चविष्ट साबुदाणा थालीपीठ, रेसिपीचा Video
