भावासाठी स्वतःच्या शरीराचा भाग कापून दिला; पुण्याच्या या रक्षाबंधनाची राज्यभरात चर्चा

संतोष पाटील एका खासगी कंपनीत सुरक्षा रक्षक म्हणून काम करतात तर त्यांची पत्नी घरकाम करते. त्यांना दोन मुलं, मोठी मुलगी नंदिनी सध्या कॉलेजमध्ये शिक्षण घेत आहे. तर राहुल सध्या दहावीत आहे. फार गरीबी नसली तरी कुटुंब जेमतेम आपली गुजराण करीत होतं. त्यांच्यावर कुटुंबावर दु:खाचा डोंगर कोसळला. काही दिवसांपासून राहुलची तब्येत खालावत चालली होती. त्या दिवशी तर त्याला रक्ताच्या उलट्या झाल्या. मुलाची ही अवस्था पाहून कुटुंब घाबरलं. डॉक्टरांक़डे जाऊनही योग्य ते निदान होत नव्हतं. शेवटी त्यांनी नवी मुंबईतील मेडिकव्हर रुग्णालयात उपचार सुरू केले. राहुलची तपासणी सुरू झाली आणि डॉक्टरांनी असं काही सांगितलं की, पाटील कुटुंबाच्य़ा पायाखालची जमीनचं सरकली.