पुणे आणि मुंबईकरांनो इथं घालवा विकेंड, एका दिवसाच्या ट्रिपसाठी बेस्ट आहे ठिकाण

इंद्रायणी नदीच्या पात्रात भेगडीवाडीमध्ये कुंडमळाध्ये रांजणखळगे आहेत. हा संपूर्ण परिसर निसर्गरम्य असून मन प्रसन्न करतो. बारा ही महिने तुडुंब भरलेले इंद्रायणी नदीचे पात्र, बंधाऱ्यावरून कोसळणारे पाणी, इंद्रायणीच्या दोन्ही काठांवरील नयनरम्य दाट झाडी, नदीपात्रातील बदक आणि पाणकोंबड्यांचे थवे, वेगवेगळ्या पक्ष्यांचा किलबिलाट, खाली नदीपात्रामध्ये कुंडजाई मातेचं सुंदर मंदिर असा डोळ्याचं पारणं फेडणारा हा परिसर आहे.  नदीपात्रातल्या मंदिराचं दर्शन घेण्यासाठी अनेक पर्यटक इथं येतात, अशी माहिती ग्रामस्थांनी दिलीय.