Airplane : जगातील सर्वात लहान विमान प्रवास, फक्त 50 सेकंदात पूर्ण होतो प्रवास, यामागचं कारण तुम्हाला आश्चर्यचकीत करेल.

साधारणपणे बसने एक स्टॉपवरून दुसऱ्या स्टॉपवर जायला जितका वेळ लागतो, त्यापेक्षाही कमी वेळात इथलं विमान एका बेटावरून दुसऱ्या बेटावर पोहोचतं. जगातील हा सर्वात छोटा विमान प्रवास इतका वेगवान आहे की, तुम्हाला सीट बेल्ट लावून नीट स्थिरावण्यासाठी वेळही मिळत नाही, तोच लँडिंगची अनाउन्समेंट होते. नक्की कुठे आहे हा प्रवास आणि का केला जातो इतका छोटा प्रवास? जाणून घेऊया.

हा अजब विमान प्रवास घडतो स्कॉटलंडमध्ये (Scotland). स्कॉटलंडमधील वेस्ट्रे (Westray) आणि पापा वेस्ट्र (Papa Westray) या दोन छोट्या बेटांना जोडणारा हा जगातील सर्वात छोटा व्यावसायिक हवाई मार्ग आहे. या दोन बेटांमधील अंतर केवळ 2.7 किलोमीटर आहे. आश्चर्य म्हणजे, अनेक आंतरराष्ट्रीय विमानतळांचे रनवे या अंतरापेक्षा जास्त लांब असतात.

या फ्लाइटचा अधिकृत वेळ साधारण 90 सेकंद इतका आहे. पण जर वारा अनुकूल असेल आणि हवामान स्वच्छ असेल, तर हे विमान केवळ 50 ते 55 सेकंदांत आपले अंतर पूर्ण करते. म्हणजेच, डोळे मिटून उघडले की तुम्ही दुसऱ्या बेटावर पोहोचलेले असता.

या बेटांवर राहणारे शिक्षक, विद्यार्थी आणि डॉक्टर याच विमानाने रोज ये-जा करतात.

सरकारी कामांसाठी किंवा तातडीच्या वैद्यकीय मदतीसाठी हे विमानच त्यांचा आधार आहे.

थोडक्यात काय तर जगातील या सर्वात लहान विमान प्रवासाने हे सिद्ध केले आहे की, प्रवासाचा आनंद हा फक्त अंतरावर नसून त्यामागच्या गरजेवर आणि अनुभवावर अवलंबून असतो. जर तुम्ही कधी स्कॉटलंडला गेलात, तर या 50 सेकंदांच्या प्रवासाचा थरार नक्की अनुभवा.