Trending:

प्रतीक्षा संपली! दहावी-बारावीचा निकाल कधी लागणार? महत्त्वाची अपडेट समोर

Published by:Ravindra Mane

Last Updated:April 26, 2025 8:46 AM IST

10th-12th Board Exam Result: दहावी बारावीच्या बोर्ड परीक्षेचा निकाल कधी लागणार याबाबतची महत्त्वाची अपडेट समोर आली आहे.

मुंबई: अलीकडेच दहावी बारावीची बोर्ड परीक्षा पार पडली. महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात आलेल्या दहावी-बारावीच्या परीक्षेला २१ लाख विद्यार्थी बसले होते. करियरला कलाटणी देणाऱ्या परीक्षा म्हणून दहावी बारावीच्या परीक्षांकडे पाहिलं जातं. कारण या परीक्षांच्या मार्क्सवरच पुढचं भवितव्य ठरत असता. त्यामुळे परीक्षा निकाल कधी लागणार यावरून विद्यार्थ्यांमध्ये कायमच धाकधूक असते. आता निकालाची प्रतीक्षा संपणार आहे. बोर्डाचा निकाल कधी लागणार? याबाबतची महत्त्वाची अपडेट समोर आली आहे.

मिळालेल्या माहितुनुसार, मे महिन्याच्या पहिल्या आठवड्यात बारावीचा, तर दुसर्‍या आठवड्यात दहावीचा निकाल जाहीर होणार आहे. महाराष्ट्र राज्य माध्यमिक उच्च माध्यमिक शिक्षण मंडळाकडून ही माहिती देण्यात आली आहे. मात्र नेमक्या कोणत्या तारखेला निकाल लागणार, याचं अधिकृत परिपत्रक अद्याप काढलं नाही. येत्या आठवडाभरात हे परिपत्रक काढलं जाईल आणि निकाल कधी लागणार ही तारीखही समोर येईल

विद्यार्थ्यांचं मूल्यांकन कसं होणार?

महाराष्ट्र बोर्डाच्या दहावी-बारावीच्या परीक्षेत उत्तीर्ण होण्यासाठी विद्यार्थ्यांना प्रत्येक विषयात एकूण ३५ टक्के गुण मिळवणे आवश्यक आहे. विद्यार्थ्यांना गुणांसह ग्रेड देखील मिळतील. ग्रेडिंग सिस्टीमनुसार, ७५ टक्के आणि त्याहून अधिक गुण मिळवणाऱ्यांना डिस्टिंक्शन मिळणार आहे. ६० टक्के आणि त्याहून अधिक गुण मिळवणाऱ्यांना प्रथम श्रेणी मिळेल. ४५ टक्के ते ५९ टक्के गुण मिळवणाऱ्यांना द्वितीय श्रेणी मिळेल. उत्तीर्ण होण्यासाठी ३५ पेक्षा जास्त गुण हवे. ज्या विद्यार्थ्यांना हे किमान गुणही मिळू शकणार नाहीत त्यांना पुन्हा पुरवणी परीक्षेला बसावे लागेल.