SSC Board Result 2025 : आज दहावीचा निकाल, कुठे आणि कसा पाहायचा रिजल्ट? A टू Z माहिती एका क्लिकवर

SSC Board Live Result 2025 : महाराष्ट्र राज्य माध्यमिक व उच्च माध्यमिक शिक्षण मंडळाकडून घेण्यात आलेल्या दहावी बोर्ड परीक्षेच्या निकाल आज मंगळवारी जाहीर होणार आहे. दुपारी एक वाजता हा निकाल जाहीर होणार आहे. त्यानंतर विद्यार्थ्यांना अधिकृत संकेतस्थळाला भेट देत ऑनलाइन पद्धतीने पाहता येणार आहे. या वर्षी एकूण १६ लाख ११ हजार ६१० विद्यार्थ्यांनी ही परीक्षा दिली होती. यात ८ लाख ६४ हजार १२० मुले आणि ७ लाख ४७ हजार ४७१ मुलींचा समावेश होता. त्याचबरोबर १२ तृतीयपंथीयांनी देखील यंदा दहावीची परीक्षा दिली होती. आज या सर्व विद्यार्थ्यांचा निकाल लागणार आहे. त्यामुळे साहजिकच विद्यार्थ्यांची धाकधूक वाढली आहे.