Beed: तिच्या मागे कुणीचं नव्हतं, तिच्या आयुष्याचा खेळ मांडला; एकाच महिन्यात 3 वेळा विकून लावलं लग्न, बीडमधला भयानक प्रकार

पोलिसांनी दिलेल्या माहितीनुसार, लालसेपोटी मानवी तस्करीचा धक्कादायक प्रकार बीड जिल्ह्यात उघडकीस आला आहे.  लातूर येथील एका 21 वर्षांच्या तरुणीचं दोन वर्षांपूर्वी बीडमध्ये एका तरुणासोबत लग्न लावून दिलं होतं. पण, पीडितेच्या पतीचे एका महिलेसोबत अनैतिक संबंध असल्याचं समोर आलं. त्यामुळे पीडित तरुणी माहेरी रााहण्यास गेली होती.  पीडित तरुणीच्या आजी-आजोबाचं निधन झालं. त्याामुळे पीडित तरुणी निराधार झााली. शेजारी राहणाऱ्या एका महिलेनं पुण्यात एका एजंट ओळखीचा आहे, तुझं दुसरं लग्न लावून देते, असं आमिष दाखवलं.

 त्यानंतर तुळजापूर येथील एजंटने कानडी बुद्रुक इथं एका व्यक्तीकडून साडेचार लाख रुपये घेऊन १ मार्च २०२६ रोजी लग्न लावून दिलं. फक्त एकाच महिन्यात पीडित तरुणीचं तीन ठिकाणी लग्न लावून देण्यात आलं. एवढ्यावरच हा प्रकार थांबला नाही. एजंटने फोन करून चौथ लग्न लावून देतो, असं फोन करून सांगितलं. त्यानंतर पीडित तरुणी पुरती खचली.  मानसिक छळ आणि या अमानुष प्रकाराला कंटाळून पीडित तरुणीने विष पिऊन आत्महत्येचा प्रयत्न केला. आष्टी तालुक्यात पीडितेलाा रुग्णालयात दाखल केलं असून उपचार सुरू आहे.