Jalgaon: आईला भेटायचं राहून गेलं! डोळ्यादेखत वैष्णवीने चंचलचा मृत्यू पाहिला, चाळीसगाव हळहळलं

मिळालेल्या माहितीनुसार, धुळे–सोलापूर राष्ट्रीय महामार्गावरील दसेगाव फाट्याजवळ दुपारच्या सुमारास ही घटना घडली.  चंचल लांडगे (वय 21) असं मृत तरुणीचं नाव आहे. तर वैष्णवी चौधरी असं जखमी झालेल्या तरुणीचं नाव आहे. तिच्यावर रुग्णालयात उपचार सुरू आहे.  चंचल आणि वैष्णवी या दोघी जणी दुचाकीवरून आईला भेटण्यासाठी  चाळीसगावकडून रहिपुरीकडे जात होत्या.

धुळे–सोलापूर राष्ट्रीय महामार्गावरील दसेगाव फाट्याजवळ पोहोचल्या असताना अचानक पाठीमागून भरधाव वेगात आलेल्या डंपरने दुचाकीला मागून जोरदार धडक दिली. डंपरची धडक बसल्यामुळे दोघ्या जणी खाली कोसळल्या. या अपघातात 21 वर्षीय चंचल लांडगे हिचा जागीच मृत्यू झाला. हा अपघात इतका भीषण होता की, डंपरने काही अंतर दूर दोघींना फरफटत नेलं. या अपघातात चंचलची मैत्रीण वैष्णवी चौधरी ही तरुणी गंभीर जखमी झाली आहे. जखमी झालेल्या वैष्णवीला तातडीने रुग्णालयात उपचारासाठी दाखल करण्यात आलं आहे. तिच्यावर उपचार सुरू आहे.