1 कोटी बक्षीस अन् शेकडो गुन्हे, एकाच वेळी 37 माओवाद्यांनी बंदूक ठेवली खाली, 2 मोठ्या नेत्यांचं सरेंडर!

आत्मसमर्पण करणाऱ्यांमध्ये गेल्या 32 वर्षापासून माओवादी संघटनेत सक्रिय असलेल्या आप्पासी नारायण आणि आझाद या दोन मोठ्या माओवादी नेत्यांचा समावेश आहे. या दोघांवर  सगळ्या राज्यात मिळून प्रत्येकी १ कोटी रुपयांचा बक्षीस आहे. हे दोन्ही नेते तेलंगाणा, महाराष्ट्र, तेलंगाणा-छत्तीसगड सीमेवर सक्रिय असायचे. यांच्यासोबत दंडकारण्य झोनल समितीचे काही सदस्य माओवाद्यांच्या विभागीय समितीचे सदस्य एरिया कमिटीचे सदस्य आणि हिडमाच्या बटालियनमध्ये सक्रिय असलेल्या दोन माओवाद्यांचा यात समावेश आहे.

हे सगळे माओवादी वेगवेगळ्या हिंसक घटनांमध्ये सहभागी होते. आत्मसमर्पण करत असताना एके 47, एस एल आर या त्या दोन्ही बंदुकांसह इतर बंदुका पोलिसांच्या स्वाधीन करण्यात आल्या आहेत. मार्च 2026 पर्यंत माओवाद संपुष्टात आणण्याच्या दिशेनं सुरू असलेल्या सुरक्षा दलाच्या प्रयत्नांमध्ये आजचं आत्मसमर्पण मोठा यश मानलं जात आहे.

आंध्र प्रदेश पोलिसांनी खोट्या चकमकीत हिडमाला ठार केल्याचा आरोप माओवाद्यांच्या सर्वोच्च केंद्रीय समितीनं केला. प्रकृतीच्या उपचारासाठी हिडमा काही सहकाऱ्यांसह विजयवाडा शहरात गेला असता त्याची माहिती पोलिसांना पुरवण्यात आली, असा आरोप पत्रकातून करण्यात आला आहे. उपचारासाठी गेलेला हिडमाला त्यानंतर 15 नोव्हेंबरला ताब्यात घेऊन 18 नोव्हेंबरला मारेदुमिल्लीच्या जंगलात खोट्या चकमकीत  ठार करण्यात आलं, असा आरोप माओवाद्यांच्या सर्वोच्च केंद्र समितीच्या प्रवक्ता अभयने केलाय.