मराठवाड्यात वारं फिरलं, नवरात्र गाजवणार पाऊस, 10 जिल्ह्यांसाठी IMD कडून अलर्ट

मराठवाडा आणि मध्य महाराष्ट्रात परतीच्या पावसाने जोर धरला आहे. रविवारी संध्याकाळपासून सुरू झालेला पाऊस अनेक भागात अजूनही कायम असून, हवामान खात्याने पुढील तीन दिवस मुसळधार पावसाचा इशारा दिला आहे. सध्या पावसाची स्थिती पाहता हा पाऊस नवरात्रही गाजवणार असं दिसत आहे. मराठवाड्यात कमी दाबाचा पट्टा तयार झाला आहे. त्यामुळे मराठवाड्यापासून खाली अरबी समुद्र आणि दक्षिण भारताकडे जे वारे वाहात आहेत त्यामुळे मुसळधार पाऊस येत असल्याचा अंदाज व्यक्त करण्यात आला आहे.