अहमदनगर हादरलं, क्षुल्लक कारणातून मित्रानेच केली मित्राची हत्या
- Published by:Ajay Deshpande
Last Updated:
अहमदनगरमधून एक धक्कादायक घटना समोर आली आहे, मित्रानेच मित्राची हत्या केली आहे.
अहमदनगर, साहेबराव कोकणे, प्रतिनिधी : जिल्ह्यातून एक धक्कादायक घटना समोर आली आहे. मित्रानेच आपल्या मित्राची हत्या केली आहे. ही घटना पार्थर्डी तालुक्यातील कौडगाव आठरे गावात घडली आहे. या घटनेमुळे खळबळ उडाली आहे. अविनाश जाधव असं मृत तरुणाचं नाव आहे तर अमोल आठरे असं आरोपीचं नाव आहे. पोलिसांनी या प्रकरणात आरोपीला ताब्यात घेतले असून, त्याने गुन्ह्याची कबुली दिली आहे.
घटनेबाबत अधिक माहिती अशी की, वडिलांना शिवीगाळ केल्याप्रकरणी मित्राला जाब विचारण्यासाठी गेलेल्या तरुणाला काठीने बेदम मारहाण करत डोक्यात कोयत्यानं वार केला. या घटनेत त्याचा मृत्यू झाला आहे. याप्रकरणी स्थानिक गुन्हे शाखेच्या पोलिसांनी कौडगाव आठरे येथून आरोपीला ताब्यात घेतले, असून त्याने चौकशीत हत्येची कबुली दिली आहे.
अविनाश जाधव यांच्या वडिलांना अमोल आठरे यानं शिवीगाळ केली होती, याचा जाब विचारण्यासाठी अविनाश जाधव हे अमोल आठरे याच्याकडे गेले असता, अमोलने लाकडी दांडक्याने मारहाण करून अविनाश यांच्या डोक्यात कोयत्याने वार केला. या घटनेत त्यांचा मृत्यू झाला. याप्रकरणी पाथर्डी पोलीस ठाण्यामध्ये गुन्हा दाखल करण्यात आला असून, पोलिसांनी आरोपी अमोल आठरे याला अटक केली आहे.
Location :
Ahmadnagar,Ahmadnagar,Maharashtra
First Published :
May 28, 2024 9:34 AM IST
