अहमदनगरमध्ये उंट उधळला, क्षणात 2 मुलांसह तिघे खाली कोसळले; थरकाप उडवणारा Video

अहमदनगर शहरातील जेजे गल्लीमध्ये उंट चालवणारा लहान मुलांना उंटावर बसून फिरवत होता. त्यावेळी तिथून नारळाची हातगाडी घेऊन एकजण जात होता. गल्लीमध्ये उंट वळत असताना मागून हातगाडीचे चाक उंटाच्या पायाला लागले. चाक पायाला लागल्याबरोबर उंट उधळला, त्यानं थेट उड्या मारायला सुरू केल्या आणि तेथून धावत जावू लागला. यामुळे उंटावरील तिघेही खाली कोसळले.

या प्रकारामुळे परिसरात गोंधळ उडाला. उंट चालवणाऱ्याच्या डोक्याला उंटाचा पाय लागला. त्यानंतर हातगाडी चालक आणि उंट चालवणाऱ्यामध्ये किरकोळ वाद झाला. पण, शहरी भागात वर्दळीच्या ठिकाणी अशा प्रकारे प्राणी फिरवणे योग्य आहे का असा प्रश्न उद्भवतो.