Nashik News : 'भाजप बाटलेला पक्ष, त्यांचे आयुष्य...', अजितदादांच्या शिलेदाराचा बोचरा वार, नाशिकचं राजकारण तापलं

नाशिक: राज्यातील नगरपरिषद निवडणुकीचा प्रचार अखेरच्या टप्प्यावर पोहोचत असताना आरोप–प्रत्यारोपांची मालिका अधिक तीव्र झाली आहे. विशेषत: नाशिकच्या सिन्नर नगरपरिषद निवडणूक रिंगणात महायुतीतील अंतर्गत कलह उघडपणे समोर आला आहे. या निवडणुकीत भाजप, अजित पवारांची राष्ट्रवादी काँग्रेस आणि शिवसेना शिंदे गट या तिन्ही घटक पक्षांमध्ये चांगलाच कलगीतुरा रंगला आहे. भाजप हा बाटलेला पक्ष असून त्यांचे आयुष्य इतरांचे पक्ष फोडण्यातच गेला असल्याचा बोचरा वार अजित पवार गटाचे नेते आणि राज्याचे मंत्री माणिकराव कोकाटे यांनी केला आहे.