भाजपच्या नाकावर टिच्चून अजितदादांचा मलिकांसाठी प्रचार, प्रवीण दरेकर म्हणाले...

नवाब मलिक यांच्यावर गंभीर आरोप असल्याने आमचा त्यांना पाठिंबा नाही, हे आम्ही याआधीच जाहीर केले आहे. सना मलिक महायुतीच्या उमेदवार असल्याने त्यांचा प्रचार करण्यात काही गैर नाही. नवाब मलिकांना आमचा पाठिंबा नाही, हे आम्ही कित्येक वेळा सांगितले आहे. सना मलिक महायुतीच्या उमेदवार असतील तर त्यांना समर्थन देणे आमचे काम आहे, असे भाजपच्या वतीने प्रवीण दरेकर यांनी सांगितले. तसेच या गोष्टीमुळे आमच्या युतीत बाधा येणार नसल्याचेही दरेकर यांनी आवर्जून सांगितले.

राष्ट्रवादी काँग्रेसकडून अणुशक्तीनगर विधानसभा मतदारसंघातून सना मलिक निवडणुकीच्या रिंगणात आहेत. त्यांच्या विरोधात शरद पवार यांच्या राष्ट्रवादीकडून अभिनेत्री स्वरा भास्कर यांचे पती फहाद अहमद निवडणुकीच्या रिंगणात आहेत. त्यांनीही अणुशक्तीनगरमध्ये जोरदार प्रचार सुरू केला आहे.