'अंतरवालीच्या दंगलीत शरद पवारांचा आमदार', भुजबळाच्या गौप्यस्फोटावर अजित पवारांची पहिली प्रतिक्रिया

कॅबिनेट मंत्री आणि अजित पवार गटाचे नेते छगन भुजबळ यांनी गुरुवारी नागपूरमध्ये एक खळबळजनक वक्तव्य केलं. मराठा आरक्षणावर भाष्य करताना त्यांनी अंतरवाली सराटीत झालेल्या दंगलीत शरद पवारांच्या आमदाराचा हात असल्याचा गौप्यस्फोट केला. अंतरवाली सराटीत पोलीस आणि आंदोलकांमध्ये झालेल्या संघर्षात शरद पवार गटाच्या एका आमदाराचा हात आहे. या घटनेच्या आदल्या रात्री एक बैठक झाली होती. या बैठकीला शरद पवारांचा आमदार उपस्थित होता. यानंतरच पोलिसांवर हल्ला करण्यात आला. हा नियोजित हल्ला होता, असा खळबळजनक दावा छगन भुजबळांनी केला आहे.