Akola : बहिणीसाठी कायपण! तिचं इंग्रजी कच्चं, कॉपी देण्यासाठी भाऊ बनला 'पोलीस'; सॅल्युटने केला घात

अकोला : महाराष्ट्र राज्य माध्यमिक आणि उच्च माध्यमिक शिक्षण मंडळाकडून घेण्यात येणाऱ्या बारावीच्या परीक्षेला सुरुवात झालीय. बुधवारी पहिला पेपर झाला, त्यानंतर दुसऱा पेपर आज होत आहे. गैरप्रकार टाळण्यासाठी शिक्षण विभागाकडून भरारी पथके, बैठी पथके याशिवाय पोलीसांचा फौजफाटाही तैनात केला आहे. मात्र तरीही बारावीच्या पेपरला कॉपी पुरवण्यासाठी आगळी वेगळी शक्कल लढवल्याचं समोर आलं आहे. बहिणीला कॉपी पुरवण्यासाठी भाऊ चक्क पोलीस बनून परीक्षा केंद्रावर पोहोचला होता.