एका चहामुळे कायमची सुटली 7 मित्रांची साथ, काळानं गाठलं अन् चौघांचा डोळ्यासमोर तडफडून मृत्यू

अमरावती: आयुष्यात सेलिब्रेशन असो किंवा एखादं मोठं संकट... सगळं काही एका वाफाळलेल्या 'कटिंग चहा'सोबत निवळतं. ज्या चहाच्या टपरीवर तासंतास गप्पा रंगल्या, ज्या चहाने मैत्रीचं नातं अधिक घट्ट केलं, त्याच चहाने आज काळजाचे तुकडे हिरावून नेले. "चल, एक चहा मारून येऊ..." हा एका मित्राचा फोन त्या सातही जणांसाठी शेवटचा फोन ठरेल, असं कोणाला स्वप्नातही वाटलं नव्हतं. ते सातही जण नुसते मित्र नव्हते, तर एकमेकांचे आधार होते. संध्याकाळ झाली की चहाची तलफ अनावर व्हायची. सवयीप्रमाणे एकमेकांना फोन झाले, मेसेज पडले आणि चहाचा प्लॅन ठरला.एक चहासाठी कोणी कार काढली, तर कोणी बाईक. हसत-खिदळत, एकमेकांच्या टाळ्या घेत ही सात मित्र निघाले. पण नियतीच्या मनात काहीतरी वेगळंच होतं.