Amravati Mumbai Flight: खराब हवामानाचा फटका, अमरावती-मुंबई विमानसेवेबाबत मोठा निर्णय, वेळापत्रकही बदललं

अमरावती: ढगाळ वातावरण, दाट धुके आणि सतत बदलणाऱ्या हवामानामुळे अमरावती-मुंबई विमानसेवेवर मोठा परिणाम होत असल्याचे पुन्हा एकदा स्पष्ट झाले आहे. दृश्यमानतेच्या समस्यांमुळे अलायन्स एअर कंपनीने अमरावती-मुंबई-अमरावती ही विमानसेवा आठवड्यातून केवळ दोनच दिवस सुरू ठेवण्याचा निर्णय घेतला आहे. नव्या वेळापत्रकानुसार सोमवार आणि शुक्रवार या दोन दिवसांनाच ही सेवा उपलब्ध राहणार आहे.