Independence Day 2025: महाराष्ट्रातील असं गाव, स्वातंत्र्याच्या 78 वर्षांनंतरही मोबाईल नेटवर्कने त्रस्त, अनेक समस्यांचा करावा लागतोय सामना Video

अमरावती: भारत देशाचा 79 वा स्वातंत्र्यदिन आहे. आजच्याच दिवशी 15 ऑगस्ट 1947 रोजी ब्रिटिशांच्या हजारो वर्षांच्या गुलामगिरीतून देशाला स्वातंत्र्य मिळाले. 1947 पासून आतापर्यंत अनेक बदल घडले. सद्यस्थितीमध्ये एकमेकांशी कनेक्ट होण्यासाठी मोबाईल हे उत्तम साधन आहे. हजारो मैल दूर असणाऱ्या व्यक्तींची देखील मदत आपण कॉल करून घेऊ शकतो. त्यामुळे खूप बाबी आता सोप्या झालेल्या दिसून येत आहेत. अनेक योजना, सोयीसुविधा आता मोबाईलच्या आधारावर आहेत. पण, यातही अनेकांना समस्या निर्माण होत आहे. आजही राज्यातील अनेक अशी गावं आहेत ज्याठिकाणी नेटवर्क पोहोचले नाही. त्यातीलच एक म्हणजे अमरावती जिल्ह्यातील मेळघाट. मेळघाटमधील अनेक गावांत अजूनही नेटवर्क पोहोचले नाही. त्याठिकाणी जास्तीत जास्त BSNL चा वापर आहे. मोबाईलमध्ये रेंज दाखवते पण, कॉल आणि इतर कोणतीच क्रिया त्यातून नेहमी होत नाही. एखाद्या वेळी कॉल लागला तर लागला अन्यथा दुसरा पर्याय त्यांना शोधावा लागतो.

मेळघाटमधील काटकुंभ गावातील ग्रामस्थांशी लोकल18ने चर्चा केली. तेव्हा ते सांगतात की, आमच्या इथे मोबाईल नेटवर्क आणि लाईटची खूप मोठी समस्या आहे. गावात BSNL चे टावर आहे. मोबाईलमध्ये रेंज दाखवते. मात्र, कॉल लागत नाही. BSNL च्या वरिष्ठ अधिकाऱ्यांशी आम्ही बोललो. पण, ते विविध कारणं सांगतात. कॉल कनेक्ट होत नसल्याने अनेक समस्यांना आम्हाला सामोरं जावं लागतं आहे.