Art Gallery : शेगावला जाताय? बौद्धिक दिव्यांग मुलांनी बनवलेल्या वस्तूंच्या आर्ट गॅलरी द्या भेट, कलाकृती पाहून कराल कौतुक

अमरावती : आविष्कार संस्थेद्वारे विदर्भात बौद्धिक दिव्यांग विद्यार्थ्यांसाठी दोन विशेष शाळा चालविल्या जातात. त्यापैकी एक श्री गजानन महाराज निवासी मतिमंद विद्यालय शेगांव ही आहे. तर दुसरी कोहिनूर इन्स्टिट्यूट फॉर मेंटली चॅलेंज्ड, नागपूर येथे चालविली जाते. श्री गजानन महाराज निवासी मतिमंद विद्यालय याठिकाणी विद्यार्थ्यांच्या कलागुणांना वाव देण्यासाठी प्रयत्न केले जातात. त्या माध्यमांतून विद्यार्थ्यांना विविध मातीच्या वस्तू, पेंटिंग आणि इतरही अनेक कलाकृती शिकवल्या जातात. त्यानंतर विद्यार्थी ते स्वतः बनवतात. विद्यार्थ्यांनी बनवलेल्या अशाच काही वस्तूंची आर्ट गॅलरी ही शेगाव येथील महालक्ष्मी मंदिर श्री क्षेत्र सिद्धपिठ या ठिकाणी असलेल्या श्री गजानन महाराज निवासी मतिमंद विद्यालय याठिकाणी आहे.