कोल्हापूरमधली एकमेव 'Baby Milk Bank', नवजात बाळांना मिळतं आईचं दूध!

ज्या अर्भकांचा प्रिमॅच्युअर जन्म झालाय, किंवा ज्यांची माता त्यांना जन्माच्या वेळीच सोडून गेलीय, ज्या मातांना मेडिकल प्रॉब्लेम्समुळे स्तनपान करणं शक्य होत नाही अशांना या दुग्धरूपी अमृताची नितांत गरज असते. मात्र अशावेळी जर पर्यायी दुधाची गरज भागवण्यासाठी दुसऱ्या स्तनदा मातेची सोय झाली नाही तर अशा बाळांना वरचं दूध द्यावं लागतं. हे दूध अनेक बाळांना पचत पण नाही तर अनेकांना आयुष्यभर याचे परिणाम सहन करावे लागतात. अशा परिस्थितीमध्ये ही बँक सर्वोत्तम आहे.

एका सर्वेक्षणानुसार, राज्यातील प्रत्येक जिल्ह्यात आठवड्याला एक ते पाच नवजात तर महिन्याभरात ४ ते २० बालकांना जन्मदात्या मातेच्या दुधापासून वंचित रहावे लागतं. अशा बाळांना सकाळ, दुपार, संध्याकाळ, रात्री, अपरात्री केव्हाही भूक लागताच ती रडू लागतात. अशावेळी त्या बालकाला दूध द्यावे कोठून? असा प्रश्न त्यांच्यासमोर उपस्थित होतो. बालकांचे पालक हवालदिल होतात. आणि त्यांच्याकडून मातेचे दूध तत्काळ उपलब्ध करू शकत नाहीत. यावरच उपाय म्हणून राज्य शासनामार्फत पश्चिम महाराष्ट्रातील पहिली आणि जिल्ह्यातील एकमेव स्तनदा माताकडून अतिरिक्त दूध संकलन करून ते शीतकरण यंत्रणेत साठवून ठेवले जाते आणि ते अशा बालकांना देण्याची सोय अमृतधारा दुग्ध पेढी अर्थातच मदर्स मिल्क बँकेतून केली जात आहे.