Ashok Kharat Case : ओशनो जलसाठी मदत, गर्भपाताच्या गोळ्या...खरातच्या पापात डॉक्टर अडकले, एसआयटी चौकशीत काय झालं?

नाशिक: नाशिकचा स्वयंघोषित ज्योतिषी आणि भोंदूबाबा अशोक खरात याच्या काळ्या कारनाम्यांची व्याप्ती दिवसेंदिवस वाढत चालली आहे. पहिल्या गुन्ह्यात १४ दिवसांची न्यायालयीन कोठडी मिळाल्यानंतर, आज (२ एप्रिल) त्याला पुन्हा न्यायालयात हजर केले जाणार आहे. दरम्यान, एसआयटीच्या (SIT) तपासात अत्यंत धक्कादायक आणि संतापजनक माहिती समोर आली आहे. यामध्ये नाशिकमधील काही बड्या डॉक्टरांचे संगनमत असल्याचे उघड झाले आहे. एसआयटीनं चौकशी केलेल्या एका डॉक्टरला राजकीय पाठबळ असल्याचे सांगण्यात येते. तर, आणखी एक डॉक्टर हा पंचवटीमधील बडा डॉक्टर असल्याची माहिती समोर आली आहे.