Ashok Kharat Case: अशोक खरातला वाचवण्यासाठी नाशिक पोलिसांची फिल्डिंग? बड्या अधिकाऱ्यासोबतचा फोटो समोर

नाशिक : नाशिकमधील स्वयंघोषित अंकशास्त्रज्ञ आणि गुरू कॅप्टन अशोक खरात याला बलात्काराच्या आरोपाखाली अटक झाली आहे. अशोक खरातचे कारनामे आता समोर येत असून धक्कादायक माहिती समोर येण्यासोबत गंभीर आरोप देखील होऊ लागले आहेत. भोंदू कॅप्टन खरातविरोधात वर्षभरापूर्वीच तक्रारी आल्या. मात्र, पोलिसांकडून त्यावर कारवाई झाली नसल्याचे म्हटले जात आहे. राजकारणी मंडळींसोबत पोलीस दलातील बडे अधिकारीदेखील आरोपी अशोक खरातने आपल्या जाळ्यात ओढल्याची चर्चा रंगली आहे. खरातला वाचवण्यासाठी पोलिसांनीच फिल्डिंग लावली होती का, असा प्रश्न निर्माण झाला आहे. भूमाता ब्रिगेडच्या तृप्ती देसाई यांनी एक फोटो पोस्ट करत मोठा आरोप केला आहे.