50 क्विंटल चपात्या, 40 क्विंटल भाजी; गावाने जपली 100 वर्षांपासूनची परंपरा

छत्रपती संभाजीनगर: श्रावण महिन्यात सर्व धार्मिक ठिकाणी भक्तांची मांदियाळी असते. कन्नड तालुक्यातील नाचनवेल (कोपरवेल) हे गाव देखील याला अपवाद नाही. याठिकाणी श्री भिकनशावली महाराजांचा मोठा भंडारा (महाप्रसाद) असतो. या उपक्रमाला 100 वर्षांची परंपरा असून ग्रामस्थांनी आजतागायत ती जपली आहे. महाप्रसादासाठी 50 क्विंटल गव्हाच्या चपात्या आणि 40 क्विंटल डांगराची (भोपळा) भाजी असते. विशेष म्हणजे या उपक्रमात गावातील सर्वधर्म समभाव दिसून येतो.