Beed Santosh Deshmukh Case : ''हे असले अधिकारी वाल्मिकच्या शिक्षेसाठी मदत करतील?'' आव्हाडांनी बॉम्ब फोडला

संतोष देशमुख हत्या प्रकरणाच्या तपासाची सूत्रे सीआयडी आणि एसआयटीने हाती घेतली. त्यानंतर तपासाला वेग आला आणि आरोपी जेरबंद होण्यास सुरुवात झाली आहे. तर, दुसरीकडे राजकीय नेत्यांमध्ये उठबस असणारा वाल्मिक कराड हा या प्रकरणाशी संबंधित असलेल्या खंडणीच्या गुन्ह्यात अटकेत आहे. वाल्मिक कराड हा राज्याचे मंत्री धनंजय मुंडे यांचा निकटवर्तीय असल्याचा आरोप होत आहे. आता, राष्ट्रवादी शरद पवार गटाचे आमदार जितेंद्र आव्हाड यांनी गंभीर आरोप केला आहे.

शरद पवार गटाचे आमदार जितेंद्र आव्हाड यांनी संतोष देशमुख प्रकरणातील एसआयटी पथकातील अधिकाऱ्यांवर प्रश्न उपस्थित केला आहे. आव्हाड यांनी म्हटले की, तोष देशमुख प्रकरणात शासनाने नेमलेल्या SIT मधे एक प्रमुख IPS बाहेरील नेमला आहे. त्यांच्याखाली दिलेले अधिकारी हे वाल्मिकचे पोलीस आहेत. यातील एक PSI महेश विघ्ने पहा. धनंजय मुंडे निवडून आल्यावरचा फोटो आहे. किती जवळचे अन प्रेमाचे संबध आहेत पहा हे असले अधिकारी वाल्मिकला शिक्षा देतील की मदत करतील? असा सवालही आव्हाड यांनी प्रश्न उपस्थित केला आहे. याच विघ्ने याने निवडणूक काळात धनंजय मुंडेचा कार्यकर्ता असल्याप्रमाणे काम केले असल्याचा आरोपही आव्हाड यांनी केला.

&

;

जितेंद्र आव्हाड यांनी म्हटले की, मनोजकुमार वाघ हा वाल्मिक कराडचा आत्यंत खास माणूस असून गेले 10 वर्षे तो बीड LCB मध्येच आहे आणि वाल्मिकसाठी काम करतोय असेही आव्हाड यांनी म्हटले.