Walmik Karad Ajit Pawar: अजितदादांच्या ताफ्यातील कारने कराडचे सरेंडर, बीडच्या खासदारांचा खळबळजनक आरोप

प्रशांत लीला रामदास, प्रतिनिधी, नवी दिल्ली : बीड जिल्ह्यातील मस्साजोग गावचे सरंपच संतोष देशमुख हत्या प्रकरणाने बीड जिल्ह्यासह राज्याचे राजकारणही ढवळून निघाले आहे. देशमुख यांच्या हत्येला 22 दिवस उलटून गेले तरी अद्यापही सगळ्या आरोपींना अटक करण्यात आले नाही. तर, या प्रकरणातील तीन आरोपी फरार आहेत. या सगळ्यात बीडचे खासदार बजरंग सोनावणे यांनी धक्कादायक आरोप केला आहे. वाल्मिक कराडने ज्या एसयुव्ही कारमधून सरेंडर केले, ती कार उपमुख्यमंत्री अजित पवारांच्या बीडच्या दौऱ्यातील ताफ्यात होती, असा आरोप खासदार सोनावणेंनी केला आहे.