MHADA Lottery : हक्काचं घर घ्यायची सुवर्णसंधी! पुणेसह ‘या’ शहरात म्हाडाची बंपर सोडत; कोणती कागदपत्रे आवश्यक?वाचा सविस्तर

या सोडतीत पुणे आणि पिंपरी महापालिका हद्दीत प्रत्येकी सुमारे 1,500 घरे मिळणार आहेत, तर पीएमआरडीए क्षेत्रात 1,114 घरे उपलब्ध होणार आहेत. म्हाडाचे सभापती शिवाजीराव आढळराव पाटील यांनी पत्रकार परिषदेत ही माहिती दिली.

या सोडतीसाठी अर्ज आणि अनामत रक्कम स्वीकारण्यास सुरुवात झाली असून, अंतिम मुदत 31 ऑक्टोबरपर्यंत निश्चित करण्यात आली आहे. स्वीकृत अर्जांची प्रारूप यादी 11 नोव्हेंबर रोजी प्रसिद्ध केली जाईल. त्यावर हरकती आणि दावे नोंदवण्यासाठी 13 नोव्हेंबरपर्यंत वेळ दिला जाईल. त्यानंतर अंतिम यादी 17 नोव्हेंबरला जाहीर होईल आणि 21 नोव्हेंबर रोजी सोडत काढण्यात येईल.

या सोडतीत 1,683 प्रथम प्राधान्य तत्त्वावरील घरे 299 पंतप्रधान आवास योजनेतील घरे आणि उर्वरित सामाजिक आणि सर्वसमावेशक गृहनिर्माण योजनेतील घरे उपलब्ध होणार आहेत. गेल्या ऑगस्ट महिन्यातील सोडतीतील विक्री न झालेली तब्बल 1,300 घरे यावेळी पुन्हा समाविष्ट करण्यात आली आहेत. त्यात पुण्यातील 531 पिंपरीतील 423 आणि पीएमआरडीएतील 250 घरांचा समावेश आहे.

या सोडतीमुळे हजारो नागरिकांना स्वतःचे घर घेण्याची संधी उपलब्ध होणार आहे. विशेषतः परवडणाऱ्या किमतीतील घरे मध्यमवर्गीय आणि निम्न मध्यमवर्गीय कुटुंबांसाठी दिलासा ठरणार आहेत. ऑनलाइन अर्ज प्रक्रिया आणि डिजिलॉकरच्या वापरामुळे गैरव्यवहाराला आळा बसेल, अशी अपेक्षा आहे.

आधार कार्ड – अर्जदाराचे तसेच विवाहित असल्यास पती/पत्नीचे. मोबाईल नंबर आधारला लिंक असणे आवश्यक.