BJP : ''मोठेपणासाठी रडू नका...'' फडणवीस काकूंनी सुधीर मुनगंटीवारांचे कान टोचले

चंद्रपूर : महायुती सरकारच्या मंत्रिमंडळात स्थान न मिळाल्याने भाजपचे ज्येष्ठ नेते सुधीर मुनगंटीवार नाराज असल्याची चर्चा सुरू आहे. विधीमंडळ अधिवेशनातही याचे संकेत दिसून येत होते. आता चंद्रपूरमधील भाजप स्थापना दिनाच्या निमित्ताने पक्षातील गटबाजी दिसून आली. भाजप आमदार किशोर जोरगेवार आणि सुधीर मुनगंटीवार यांनी स्वतंत्र कार्यक्रम घेतले. जोरगेवार यांच्या कार्यक्रमात सहभागी झालेल्या माजी मंत्री शोभाताई फडणवीस यांनी यावेळी भाजप आमदार सुधीर मुनगंटीवार यांचे कान टोचले.