Maharashtra Politics : निवडणुकीआधीच भाजपने टाकला डाव, एका निर्णयाने शिंदे गट-अजितदादांवर कुरघोडी?

मुंबई: आगामी स्थानिक स्वराज्य संस्थांच्या निवडणुकांच्या रणधुमाळीस लवकरच सुरुवात होणार आहे. या निवडणुकांसाठी सगळ्याच राजकीय पक्षांनी तयारी सुरू केली आहे. महायुतीमध्ये ही युती की स्वबळ याची चाचपणी सुरू असताना दुसरीकडे कुरघोडीचे आरोप होऊ लागले आहेत. प्रभाग रचना जाहीर झाल्यानंतर या आरोपांना धार आली. तर, दुसरीकडे आता काही दिवसांपूर्वीच्या एका निर्णयाने सगळ्यांच्या भुवया उंचावल्या आहेत. तब्बल 8 महिन्यानंतर सरकारने हा निर्णय घेतला असला तरी त्याच्या टायमिंगवर चर्चा सुरू झाली आहे.