शिर्डीत बस कंडक्टरचा माजुरडेपणा, पती-पत्नीलाला भर चौकात मारहाण; व्हिडीओ समोर

Last Updated:

दुचाकीस्वाराची दुचाकी बंद पडल्याने रस्त्यावरून बाजूला घेण्यावरून एसटी कंडक्टर आणि दुचाकीस्वारामध्ये बाचाबाची झाली होती.

News18
News18
अहिल्यानगर : शिर्डीतून धक्कादायक प्रकार उघडकीस आला आहे. राज्य परिवहन महामंडळाच्या एसटी कंडक्टरची उर्मटपणा समोर आला आहे. बस कंडक्टरने एका जोडप्याला मारहाण करत, त्यांच्यासोबत अपमानास्पद वागणूक दिली. या घटनेचा व्हिडीओ सोशल मीडियावर व्हायरल होत आहे.
शिर्डी शहरातील आरबीएल चौकात सायंकाळच्या सुमारास घडलेल्या मारहाणीच्या प्रकाराने खळबळ उडाली आहे. राज्य परिवहन महामंडळाच्या एसटी कंडक्टरने एका पती-पत्नीला केलेल्या मारहाणीचा व्हिडिओ समोर आल्याने प्रवासी सुरक्षेवर मोठे प्रश्नचिन्ह उभे राहिले आहे. दुचाकीस्वाराची दुचाकी बंद पडल्याने रस्त्यावरून बाजूला घेण्यावरून एसटी कंडक्टर आणि दुचाकीस्वारामध्ये बाचाबाची झाली होती.

नेमकं काय घडलं? 

समोर आलेल्या प्राथमिक माहितीनुसार, सिन्नर येथील विलास पवार आणि त्यांची पत्नी दुचाकीवरून जात असताना आरबीएल चौकात दुचाकी बंद पडली. भर चौकात दुचाकी बंद पडल्याने वाहनांच्या रांगा लागल्या,त्यामुळे वाहतूक कोंडी झाली. यामध्ये एसट बस देखील अडकली होती. एसटी अडकल्याने कंडक्टर बसमधून खाली उतरला आणि त्याने विलास पवार यांच्याशी वाद घालण्यात सुरुवात केली. दुचाकी बाजूला घेतो असे दुचाकीस्वार सांगत असताना देखील मुजोर कंडक्टरने हात उचलला, पतीवर हात उचल्यानंतर पत्नी मध्ये गेली तर त्यांना देखील मारहाण केली दुचाकी कडेला घेण्यासाठी वेळ लागत असल्याने एसटी कंडक्टर पांडुरंग गरकळ यांनी संताप व्यक्त करत पती-पत्नीशी वाद घातला.
advertisement

घटनेचा व्हिडीओ सोशल मीडियावर व्हायरल

विलास पवार यांनी दुचाकी लगेच बाजूला घेतो, असे सांगूनही कंडक्टरने संताप अनावर करत पती-पत्नीला मारहाण केली. या घटनेचा व्हिडीओ सोशल मीडियावर व्हायरल झाला आहे. सार्वजनिक ठिकाणी प्रवाशांना धमक्या देत मारहाण करणाऱ्या कंडक्टरच्या वर्तनाने उपस्थित नागरिकांनी संताप व्यक्त केली. या संपूर्ण घटनेचा व्हिडीओ सोशल मीडियावर व्हायरल झाला असून नागरिकांकडून संतप्त प्रतिक्रिया उमटत आहेत.
advertisement

कठोर कारवाईची मागणी

कंडक्टर विलास पवा यांनी शिर्डी पोलिस ठाण्यात फिर्याद दाखल केली. त्यांच्या तक्रारीवरून एसटी कंडक्टर पांडुरंग गरकळ यांच्याविरोधात मारहाण व धक्काबुक्कीचा गुन्हा नोंदवण्यात आला आहे. पोलिसांनी संबंधित व्हिडिओ तपासात घेतला असून पुढील कारवाई सुरू असल्याचे सांगितले. शिर्डीत घडलेल्या या घटनेने एसटी कर्मचाऱ्यांच्या वर्तनाबाबत पुन्हा एकदा चर्चा सुरू झाली आहे. संबंधित अधिकाऱ्यांनी कठोर कारवाई करावी, अशी मागणी नागरिकांकडून केली जात आहे.
advertisement
view comments
मराठी बातम्या/महाराष्ट्र/
शिर्डीत बस कंडक्टरचा माजुरडेपणा, पती-पत्नीलाला भर चौकात मारहाण; व्हिडीओ समोर
Next Article
advertisement
Nanded Crime News : 'तुझं लग्न लावून देतो',  आंचलसमोर वडिलांनी ठेवली होती एक अट, अन् तिथंच...
'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...
  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

View All
advertisement