रानफुलांच्या रंगांनी नटली चांदोली! 'उदगिरी पठारावर' फुलांचा बहार, आत्ताच करा ऑनलाईन बुकिंग

सप्टेंबर आणि ऑक्टोबर महिन्यात या पठारावर अनेक दुर्मिळ प्रजातींची फुले पाहायला मिळतात. यात टोपली कार्वी, सितेचे आसवे, रान हळद, सीरोपिया, मिकी माऊस फ्लावर, धनगरी फेटा, जांभळी मंजिरी, निळी भारंगी, तेरडा, तुतारी, हळदी-कुंकू, टूथब्रश, ऑर्किड, गुढी अशा अनेक प्रकारच्या फुलांचा समावेश आहे. विशेष म्हणजे, अभ्यासकांसाठी इथे दुर्मिळ फुलांचा अभ्यास करण्याची संधी देखील आहे. त्यासाठी ऑनलाइन बुकिंगची सोय उपलब्ध आहे.

या निसर्गरम्य ठिकाणी भेट देताना काही गोष्टींची काळजी घेणे आवश्यक आहे. फुलांना कोणताही धोका पोहोचणार नाही याची खबरदारी घ्या आणि आपल्यासोबत आणलेले प्लास्टिकचे साहित्य परत घेऊन जा. निसर्गाचे सौंदर्य जपण्यासाठी प्रत्येकाने प्रयत्न करणे गरजेचे आहे.