Self Defense: आता लढायचं! 13 वर्षांपासून भाग्यश्रीने दिले 12 हजार मुलींना आत्मरक्षणाचे धडे

छत्रपती संभाजीनगर : वाळूज महानगर सिडको परिसरात सकाळी आणि संध्याकाळी येथील वातावरणात एक आवाज घुमतो, तो आवाज म्हणजे आत्मविश्वासाने भरलेल्या आदेशांचा तसेच तयारीचा, हा आवाज असतो त्या मुलींचा, ज्या स्वतःच्या सुरक्षिततेसाठी झटत आहेत आणि या तयारीच्या मागे भाग्यश्री महाबळे आहे. गेल्या 13 वर्षांपासून त्या मुलींना आत्मरक्षणाचे धडे देत आहेत. आजपर्यंत त्यांनी जवळपास 12 हजार मुलींना तर पाच हजार महिलांना आत्मरक्षणासाठी घडविल्या आहेत. सध्या 150 मुली आत्मरक्षणाचे प्रशिक्षण घेत असल्याचे महाबळे यांनी लोकल 18 सोबत बोलताना सांगितले.