Job Opportunity: छ. संभाजीनगरमध्ये 3300 जणांना मिळणार रोजगार, तब्बल 1261 कोटींची गुंतवणूक!
- Reported by:Apurva Pradip Talnikar
- Published by:Shankar Pawar
Last Updated:
Chhatrapati Sambhajinagar: छत्रपती संभाजीनगरमध्ये 6 कंपन्या 1261 कोटी रुपयांची गुंतवणूक करणार आहेत. त्यातून 3300 रोजगार उपलब्ध होतील.
छत्रपती संभाजीनगर: मराठवाड्यातील प्रमुख शहर असणारे छत्रपती संभाजीनगर शहर झपाट्याने वाढत चालले आहे. शहरामध्ये मोठ्या संख्येने नवीन औद्योगिक कंपन्या येत आहेत. गेल्या 8 दिवसांत बिडकीन डीएमआयसीमध्ये 6 कंपन्यांनी 1261 कोटी रुपयांची गुंतवणूक करण्याचा निर्णय घेतला आहे. या सहा कंपन्यांच्या माध्यमातून 3300 लोकांना रोजगार मिळणार आहे. त्यामुळे मराठवाड्यातील तरुणांना मोठ्या प्रमाणात रोजगाराच्या संधी उपलब्ध होणार आहेत.
छत्रपती संभाजीनगर शहरातील ऑरिकसिटी अंतर्गत बिडकीन डीएमआयसी, शेंद्रा एमआयडीसीमध्ये गुंतवणूक करण्यासाठी उद्योजकांचा कल वाढला आहे. बिडकीन डीएमआयसीमध्ये 8 हजार एकर जमीन संपादित करण्यात आली आहे. उद्योजकांसाठी या ठिकाणी आंतरराष्ट्रीय दर्जाच्या औद्योगिक सुविधा उपलब्ध करण्यात आल्या आहेत. यामुळे एथर एनर्जी, टोयोटा, किर्लोस्कर, जेएसडब्ल्यू, ग्रीन मोबिलिटी यासह लुब्रीझोल या कंपन्यांनी गुंतवणुकीची घोषणा केली आहे.
advertisement
नुकत्याच सहा कंपन्यांनी छत्रपती संभाजीनगरमधील डीएमआयसीमध्ये 1261 कोटी रुपयांची गुंतवणूक करण्याचा निर्णय घेतला आहे. ज्यातून 3300 रोजगार उपलब्ध होणार आहेत.
या कंपन्यांनी केली गुंतवणूक
मेटलमन ग्रुप - 7 एकर जमीन-187 कोटी गुंतवणूक, 588 लोकांना रोजगार.
राखो इंडस्ट्रीज प्रायव्हेट लिमिटेड - 7 एकर -93 कोटी गुंतवणूक, 550 लोकांना रोजगार.
advertisement
महिंद्रा असो प्रायव्हेट लिमिटेड - 10 एकर जागा -140 कोटींची गुंतवणूक, 500 लोकांना रोजगार.
जुन्ना सोलार प्रायव्हेट लिमिटेड - 10 एकर जागा, 400 कोटींचा गुंतवणूक, 1050 लोकांना रोजगार.
टोयोटा गोसावी प्रायव्हेट लिमिटेड - 10 एकर जागा, 140 कोटींची गुंतवणूक, 500 लोकांना रोजगार.
एन.एक्स. लॉजिस्टिक -13 एकर जागा, 83 कोटींची गुंतवणूक, 400 लोकांना रोजगार.
Location :
Aurangabad,Maharashtra
First Published :
Jun 26, 2025 7:15 PM IST
मराठी बातम्या/महाराष्ट्र/छ. संभाजीनगर/
Job Opportunity: छ. संभाजीनगरमध्ये 3300 जणांना मिळणार रोजगार, तब्बल 1261 कोटींची गुंतवणूक!
